Pressemelding

Nr. 80/1997
20.10.1997

Atle Hamar tilsett som politisk rådgjevar

Distriktsarbeidssjef Atle Hamar, Jølster i Sogn og Fjordane, er tilsett som politisk rådgjevar i Samferdselsdepartementet. Han er 34 år og har sidan 1992 vore distriktsarbeidssjef ved Arbeidskontoret i Førde.

Hamar er utdanna lærar, med adjunktgrad frå Sogndal Lærarhøgskule i 1986. I tida 1984-87 arbeidde han som frilansjournalist i NRK Sogn og Fjordane, og i perioden 1986-87 var han journalist i avisa "Firda" i Førde. I 1990 leia Atle Hamar prosjektet "Det skjulte Oslo" som tok for seg sosiale problem i hovudstaden. Frå 1990 til 1992 var han konsulent ved Fylkeslandbrukskontoret i Sogn og Fjordane.

Hamar var leiar i Norges Unge Venstre frå 1988 til 1990 og politisk sekretær i Venstres Hovudorganisasjon i tida 1987-1990. Frå 1991 har han vore kommunestyre- og formannskapsmedlem i Jølster, der han sidan 1995 har leia oppvekst- og kulturkomiteen i kommunen. Han var leiar av Venstres programkomité i samband med kommunevalet i 1995. Sidan 1995 har han vore fylkestingsrepresentant for Venstre i Sogn og Fjordane.