Pressemelding

Nr. 86/97
Dato: 20.11.97

Eva Hildrum utnemnd til ekspedisjonssjef og leiar av post- og teleavdelinga

Eva Hildrum er i statsråd i dag utnemnd til ekspedisjonssjef i Samferdselsdepartementet, der ho skal leie Avdeling for post og telekommunikasjonar. Ho overtar etter Per Sanderud, som tidlegare i haust vart utnemnd til departementsråd i Samferdselsdepartementet.

Eva Hildrum er 49 år, har samfunnsvitskapleg embetseksamen (cand.polit., med statsvitenskap hovedfag)) frå 1986 og arbeider no som ekspedisjonssjef i Barne- og familiedepartementet.

Frå 1986 til 1990 arbeidde ho i Statskonsult, først som konsulent og seinare som rådgjevar. I tida 1990-95 arbeidde ho i Administrasjonsdepartementet, først som rådgjevar og deretter som avdelingsdirektør frå 1991. Eva Hildrum har sidan 1995 vore ekspedisjonssjef i Barne- og familiedepartementet.