Pressemelding

Nr. 93/1997
Dato 17.12.1997

Opplysningar om kollektivtrafikk - framleis på “nr. 177”

“177” kan framleis nyttast som kortnummer til opplysningstelefonen for kollektivtrafikken.

Dette er klart etter at Samferdselsdepartementet no har avgjort at denne bruken av nummer 177 kan førast vidare, i første omgang for ein periode på fem år.

• Det er viktig å sidestille tilgang til opplysningstelefon for kollektivtrafikken med telefon til Vegmeldingstenesta. Vilkåra for bruk av kortnummer 177 vil bli drøfta nærmare med Post- og teletilsynet, opplyser samferdselsminister Odd Einar Dørum.
• Ordninga med ein slik opplysningstelefon for kollektivtrafikken er til no innført i seks fylke. Det kan vere aktuelt å utvide tilbodet til fleire andre fylke. Målet bør vere at vi på ein enkel måte får opplysningar om rutetilbod, rutetider og billettprisar for all slags kollektivtrafikk over heile landet, seier samferdselsminister Odd Einar Dørum.