Pressemelding

Dato: 28 november 1997

Statsbudsjettet 1997: Løyvingar til riksvegvedlikehald aukar med 104,6 millionar kroner

Løyvingane for 1997 til vedlikehald og drift av riksvegane skal aukast med til saman 104,6 millionar kroner. Av dette beløpet skal 70 millionar kroner nyttast til å dekkje ekstrakostnader til vegbrøyting, særleg som følgje av store nedbørsmengder vinteren 1997 i Troms og til dels også i Nordland.

Dette går fram av eit forslag som regjeringa la fram i statsråd i dag.

Resten av auken i løyvingane, det vil seie 34,6 millionar kroner, skal nyttast til andre naudsynte vedlikehalds- og driftsoppgåver på riksvegnettet.