Statsbudsjettet for 1999: 20,7 millionar kroner til Telenor for tenester til Totalforsvaret
Historisk arkiv
Publisert under: Regjeringen Bondevik I
Utgiver: Samferdselsdepartementet
Pressemelding | Dato: 05.11.1998 | Sist oppdatert: 21.10.2006
Pressemelding
Nr. 109/98
Dato: 5. november 1998
Statsbudsjettet for 1999: 20,7 millionar kroner til Telenor for tenester til Totalforsvaret
Telenor AS skal for neste år få 20,7 millionar kroner i godtgjersle for tenester som Telenor er pålagt å utføre for Totalforsvaret.
Dette går fram av eit tilleggsforslag til statsbudsjettet for 1999. I forslaget, som blei lagt fram i statsråd i dag, er det vist til at Telenor gjennom sin konsesjon for drift av teletenester og telenett er pålagt å utføre ein del tenester for Totalforsvaret, mot godtgjersle frå staten.
Forslaget om godtgjersle for 1999 er i samsvar med det beløpet som nyleg er avtalt etter drøftingar mellom Telenor og Samferdselsdepartementet.
Lagt inn 6. november 1998 av Statens forvaltningstjeneste, ODIN-redaksjonen