Pressemelding

Nr. 120/98
Dato: 20.11.98

Utbetring av trafikksikring av riksveg 545 Sandvikvåg - Svartasmoget

Fitjar kommune i Hordaland skal få høve til å forskottere 12 millioner kroner for å framskunde arbeid med opprusting og trafikksikring av dei dårlegaste delane av riksveg 545 på strekninga Sandvikvåg – Svartasmoget.

Dette går fram av eit forslag som regjeringa la fram i statsråd i dag.

Forslaget har samanheng med vekst i trafikken, særleg tungtrafikk i samband med at Bergen kommune har fått løyve til å levere søppel til Sunnhordland interkommunale miljøverk i Fitjar kommune fram til 1. januar 2000.

Forskotteringsbeløpet vil bli betalt tilbake frå staten, utan kompensasjon for renter og prisstigning. Tidspunktet for tilbakebetaling vil bli fastsett i samband med revisjon av Nasjonal transportplan 2002-2011 og påfølgjande handlingsprogram, går det fram av forslaget frå regjeringa