Pressemelding

Nr. 127/1999
Dato: 5. november 1999

Telenor AS: 37,7 millionar kroner i godtgjersle for tenester til Totalforsvaret

Regjeringa har i statsråd i dag gjort framlegg om at det over statsbudsjettet for 2000 skal løyvast 37,7 millionar kroner som godtgjersle til Telenor AS for tenester som selskapet er pålagt å yte for Totalforsvaret.

Etter den konsesjonen som Samferdselsdepartementet har fastsett for Telenor AS, har selskapet plikt til å yte tenester til Totalforsvaret. I samsvar med retningsliner, som tidlegare er lagde fram for Stortinget, skal staten dekkje dei meirkostnadene som Telenor AS har i samband med desse tenestene.