Pressemelding

Nr. 121/99
Dato: 22.10.1999

Flyruter Noreg - Iran: Iran Air får konsesjon

Det iranske flyselskapet Iran Air har i statsråd i dag fått konsesjon for drift av flyruter på strekninga Oslo – Larnaca – Teheran. Flyselskapet får òg rett til å ta trafikk med passasjerar som berre skal reise på delstrekninga Larnaca - Oslo.

Konsesjonen gjeld for ein periode på eit år, rekna frå 22. okotber i år. I tillegg får Samferdselsdepartementet høve til å forlengje konsesjonen fram til 22. oktober 2004.