Pressemelding

Nr. 74
Dato 24.10.97

Idar Magne Holme ny statssekretær for helsesaker

Idar Magne Holme (46) er utnemnd til statssekretær i Sosial- og helsedepartementet (helsesaker).

Holme er magister i statsvitskap, og kjem frå stilling som førsteamanuensis ved Høgskolen i Agder. I perioden 1976-79 var han formann i Kristeleg Folkepartis Ungdom. Frå 1989-90 var han statssekretær i Familie- og forbrukardepartementet. Han var medlem av Kristiansand bystyre i åra 1992-95.

Holme har vore gjesteforskar ved University of Minnesota, og vart styreleiar for Det norske Radiumhospital i 1995.

Idar Magne Holme er busett i Kristiansand, er gift og har to barn.