Pressemelding

Nr. 77
04.11.97

Steinulf Tungesvik politisk rådgjevar for sosialministeren

Steinulf Tungesvik (31) er tilsett som politisk rådgjevar for sosialminister Magnhild Meltveit Kleppa frå 1. november i år.

Tungesvik er busett i Oslo, men har vakse opp i Skånevik i Hordaland. Han har juridisk embetseksamen frå 1994, og har arbeidd som dommarfullmektig i Oslo byrett sidan september i år. Før det var han politisk rådgjevar for Senterpartiet si stortingsgruppe i to år.

Tungesvik har vore medlem av landsstyret i Norsk Målungdom. Han har og vore leiar av valnemnda og medlem av landsrådet i Noregs Mållag. Han var koordinator for Bioutvalet i Nei til EU. I Senterpartiet har han vore sekretær for Internasjonalt utval.