Vin skal framleis seljast på Vinmonopolet
Historisk arkiv
Publisert under: Regjeringen Bondevik I
Utgiver: Sosial- og helsedepartementet
Pressemelding | Dato: 03.12.1997 | Sist oppdatert: 21.10.2006
Pressemelding
Nr. 87
03.12.97
Vin skal framleis seljast på Vinmonopolet
EFTA-domstolen har i dag offentleggjort si rådgjevande fråsegn i samband med saka
Fridtjof Frank Gundersen har reist mot Oslo kommune om retten til å få opna privat vinutsal. Noreg har vunne ein full siger ved at domstolen gjev brei støtte til prinsippet om at alkoholpolitikken er ei nasjonal sak.
- Det vert slått fast i fråsegna at vi i Noreg kan føra vår eigen alkoholpolitikk. - Eg er glad for at Domstolen dermed gjev Noreg full fridom til å halda fram med Vinmonopolet som einaste salsstad for vin, seier sosialminister Magnhild Meltveit Kleppa.
Domstolen kritiserer ikkje den norske ordninga med ølsal i butikkar og vin i statleg monopol, men etterlyser ei nærare grunngjeving for at vinprodukt med alkoholstyrke inntil 4,75% ikkje kan seljast i butikkane. - Dette skal regjeringa no sjå nærare på, for å finna ut om det er naudsynt med tilpassingar, slik at dagens ordning kan gjerast endå betre på dette punktet, seier Meltveit Kleppa.
Kontaktperson:
Avdelingsdirektør Ellen Seip, tlf. 22 24 85 09