Pressemelding

Nr. 6
23.1.98

Reforma for menneske med psykisk utviklingshemming - fordelinga av vertskommunetilskotet i 1998

Vertskommunetilskotet er no fordelt for 1998. Tilskotet blei innført i 1993 og går til 33 kommunar spreidd over heile landet. Dette er kommunar der det fylkeskommunale HVPU dreiv store og små institusjonar for menneske med psykisk utviklingshemming fram til 1991. Då HVPU blei avvikla frå 1991, tok desse 33 kommunane over ansvaret for å gje eit godt tilbod til mange tidlegare institusjonsbrukarar som opphavleg kom frå andre kommunar, men som blei buande i vertskommunane. Vertskommunetilskotet skjermar mot verknadene av omfordelinga i inntektssystemet (rammetilskotet) knytt til det store talet på tilflytta personar med psykisk utviklingshemming.

Vertskommunetilskotet er ført vidare med 878,8 mill. kr i 1998. Sentrumsregjeringa gjorde framlegg om å auke løyvinga med 25 mill. kr i høve til regjeringa Jagland sitt framlegg. Stortinget slutta seg til dette framlegget. Desse 25 mill. kr kompenserer for venta auke i prisane i 1998. Det er viktig sidan vertskommunetilskotet for mange av vertskommunane utgjer ein stor del av kommunebudsjettet og i hovudsak går til løn av omsorgspersonell i kommunane.

Under følgjer fordelinga av vertskommunetilskotet til dei 33 kommunane.

Fordelinga av vertskommunetilskotet i 1998 (Statsbudsjettet kap. 673 post 61)

Kontaktperson: Rådgjevar Per Eivind Hem, tlf. 22 24 85 70.