Pressemelding

Nr.37
7.05.98

Landsplan for A/S Vinmonopolet

Sosial- og helsedepartementet har i dag vedteke at det kan opprettast 40 nye vinmonopolutsal i perioden 1.1 1999 til 31.12 2002.

Etter alkohollova er det Sosial- og helsedepartementet som fastset ein landsplan for A/S Vinmonopolet. Eit utkast til landsplan i tråd med Stortingets ynske med framlegg om inntil 50 nye utsal var ute på høyring hausten 1997. Utgreiinga om plasseringa av nye utsal har teke utgangspunkt i område det kan vere aktuelt med større utsalstettleik. I tillegg er det gitt rom for nye utsal som skal gi kundane betre service i enkelte sentrale strok der det ofte er køproblem.

Hausten 1997 opna A/S Vinmonopolet 2 nye utsal (Honningsvåg og Tynset).19. desember 1997 vedtok Sosial- og helsedepartementet at gjeldande landsplan skulle forlengast med 1 år, og at ramma for etablering av utsal i løpet av 1998 skulle settast til 8 (Vinmonopolet ynskjer desse lagt til Florø, Grimstad, Kolvereid, Knarvik, Storslett, Ørsta, Spjelkavik og Oslo.) I perioden 1.1.1999-31.12.2002 kan talet på utsal dermed aukast med inntil 40. A/S Vinmonopolet har pr i dag 114 utsal. Den nye ramma for etablering av utsal blir då totalt 162.

Fordeling av nye utsal i perioden 1999-2002:

Østfold: 0 Akershus: 6 Oslo: 3 Hedmark: 1 Oppland: 2 Buskerud: 3 Vestfold: 1 Telemark: 2 Aust-Agder: 2 Vest-Agder: 1 Rogaland: 3 Hordaland: 6 Sogn og Fjordane: 1 Møre og Romsdal: 3 Sør-Trøndelag: 1 Nord-Trøndelag: 0 Nordland: 2 Troms: 2 Finnmark: 1

Plasseringa innafor fylka vert avgjort av styret i A/S Vinmonopolet.

Kontaktperson: Fyrstekonsulent Eirik Lereim: 22 24 85 17

Lagt inn 8 mai 1998 av Statens forvaltningstjeneste, ODIN-redaksjonen