Revidert handlingsplan for funksjonshemma til hausten
Historisk arkiv
Publisert under: Regjeringen Bondevik I
Utgiver: Sosial- og helsedepartementet
Pressemelding | Dato: 12.06.1998 | Sist oppdatert: 21.10.2006
Pressemelding
Nr. 55
12.06.98
Revidert handlingsplan for funksjonshemma til hausten
- Fleire funksjonshemma skal ha høve til å fungera i eit arbeid. Dette var bodskapen frå sosialminister Magnhild Meltveit Kleppa då ho opna Norges Handikapforbund sitt landsmøte i Oslo fredag.
Regjeringa reviderer no handlingsplanen for ein politikk for funksjonshemma. Her skal høvet til arbeid omtalast i eit eige kapittel, sa sosialministeren. Planen skal leggjast fram i samband med statsbudsjettet til hausten.
- Med den arbeidskraftsituasjonen vi har no, skulle forholda liggja betre til rette enn på lenge for auka deltaking i arbeidslivet, sa Meltveit Kleppa. Funksjonshemma er ein viktig ressurs for arbeidsmarknaden. Sosialministeren understreka at eit godt samarbeid mellom den funksjonshemma, arbeidsgjevar, kollegaer, trygdekontor og arbeidskontor er avgjerande for å lukkast.
Lagt inn 12. juni 1998 av Statens forvaltningstjeneste, ODIN-redaksjonen