Pressemelding

Nr. 55/1999
Dato: 16. juni 1999

12 kommunar får pengar til lågterskel helsetilbod for narkomane

Sosial- og helsedepartementet har i dag gitt ekstra midlar til 12 kommunar som har søkt om å få sette i verk lågterskel helsetilbod for tunge rusmiddelmisbrukarar og styrke det tverretatlige samarbeidet.

I april inviterte sosialministeren representantar for 11 kommunar som har hatt mange dødsfall på grunn av overdosar til møte om overdoseproblematikken. Oslo kommune var spesielt invitert for å gjere greie for sine erfaringar med lågterskel helsetilbod og andre tiltak for tunge rusmiddelmisbrukarar.

- Den tragiske auken i talet på overdosedødsfall dei siste åra syner at vi må styrkja innsatsen overfor dei tyngste misbrukarane, seier sosialminister Magnhild Meltveit Kleppa. Lågterskel helsetilbod og styrkja tverretatleg samarbeid er viktige tiltak for å få ned talet på overdosedødsfalla. Eg har halde av pengar på budsjettet i år til dette føremålet . Det er viktig at dei tunge misbrukarane veit kor dei kan vende seg for å få medisinsk hjelp, samstundes som det også vert knytt andre kontaktar til hjelpeapparatet, seier Meltveit Kleppa.

Dei kommunane som har fått tilskott er:

Asker kr. 250 000 Bergen kr. 500 000 Bærum kr. 300 000 Drammen kr. 300 000 Haugesund kr. 400 000 Kristiansand kr. 250 000 Sandnes kr. 160 000 Skedsmo kr. 250 000 Skien kr. 500 000 Stavanger kr. 300 000 Tromsø kr. 240 000 Trondheim kr. 450 000

---

Kontatperson:
Underdirektør Jens J. Guslund, 22 24 85 19
Politisk rådgjevar Liv Signe Navarsete, 22 24 84 04

Lagt inn av Statens forvaltningstjeneste, ODIN-redaksjonen