Pressemelding

Nr. 41
Dato 09.04.1999

Matz Sandman leiar utval om sjukefråvær og uførepensjon

Regjeringa har i statsråd i dag sett ned eit utval for å greia ut spørsmål som gjeld sjukefråvær og nytilgangen til uførepensjon.

Det har i dei seinare åra vore ein sterk auke i sjukefråværet og nytilgangen av uførepensjonistar. Utviklinga på arbeidsmarknaden i tida framover og endringar i aldersstrukturen i befolkninga kan indikera ein fare for at auken kan koma til å halda fram. Det er derfor naudsynt å vurdera tiltak for å motvirka aukande sjukefråvær og utstøyting frå arbeidslivet.

Utvalet skal greia ut årsaker til auken i sjukefråværet og nytilgangen til uførepensjon. Utvalet skal vidare kartleggja den sosiale og samfunnsøkonomiske rolla som folketrygdas stønadsordningar har ved sjukdom og uførleik, føreta ei vurdering av iverksette tiltak og vurdera ytterlegare tiltak for å få ned talet på stønadsmottakarar. Konsekvensane av drøfta tiltak må utgreiast nøye, herunder omsynet til enkle ordningar.

Utvalet skal ha brei deltaking frå sentrale organisasjonar i arbeidslivet, organisasjonar for funksjonshemma, kunnskapsmiljø og ansvarlege departement. Fylkesrådmann Matz Sandman skal leia utvalet. Utvalet skal avgje innstilling innan 1. juni år 2000.

Kontaktperson: Avdelingsdirektør Elfriede Børsum, telefon 22 24 86 05
Rådgiver Grethe Hammarqvist, telefon 22 24 86 25