Pressemelding

Nr.: 104
Dato: 12.10.1999

Statusrapport - funksjonshemma

Sosial- og helsedepartementet offentleggjer i dag ein statusrapport om kor langt regjeringa er kommen i arbeidet med oppfølginga av Handlingsplan for funksjonshemma.

Stortingsmeldinga Om handlingsplan for funksjonshemma 1998 – 2001 omtaler 161 tiltak som gjeld 10 departement sine område. Ein gjennomgang syner at dei fleste tiltaka i handlingsplanen alt er sett i gang. Ein samla oversikt over status for alle tiltak er nå utarbeidd.

Det er i 1999 planlagt eller starta opp ei rekkje tiltak på områda tilgjengelighet, planlegging, brukarmedverknad og funksjonshemma sine rettar. Også arbeidet med oppfølging av ein særskilt plan for auka yrkesaktivitet for funksjonshemma er godt i gang.

Regjeringa har i løpet av 1999 sett ned eit offentleg utval som skal vurdere ulike strategiar og verkemiddel for å betre funksjonshemma sitt høve til deltaking og likestilling i det norske samfunnet. Utvalet som er leia av senterleiar Sigurd Manneråk, skal leggje fram si innstilling i oktober neste år.

Stortingsmeldinga er ein del av Noreg sitt arbeid for å følgje opp FN sine standardreglar for like vilkår for funksjonshemma.

St meld nr 8 (1998-99) Om handlingsplan for funksjonshemma
statusrapportering pr. 04.10.99 (I-44/99) kan tingast frå:

Statens trykksakekspedisjon
Postboks 8169 Dep.
0032 Oslo
Telefaks: 22 24 27 86
Internett: ste-bestilling@ft.dep.telemax.no
Statusrapporten er tilgjengeleg på Internett: linkdoc030005-990369#docodin.dep.no/shd/publ/1999/stmld8-status/

Kontaktperson:
Inge Ovesen, 22 24 85 72