Pressemelding

Nr. 64/1999
Dato: 9. april 1999

Priv. til red.:

Statsministerens program

Måndag 12. april kl. 18.00 møter statsministeren leiarane i dei forsamlingane som er representerte i Islamsk Råd i Oslo, i Islamsk kultursenter, Sverdrups gate 5. Det er høve til å fotografere idet møtet tek til. Etter møtet, omlag kl 19.30, er statsministeren tilgjengeleg for kommentarar same staden.

Onsdag 14. april kl. 13.00 inviterer statsministeren til pressetreff med representantar for redaksjonane i Stortingets presselosje, på Statsministerens kontor. Vi viser til eigen invitasjon til dei redaksjonane dette gjeld.

Fredag 16. april kl. 10.00 tek statsministeren imot presidenten i Burkina Faso, Blaise Compaore, på Statsministerens kontor. Det er høve til å fotografere. Kl. 13.00 er statsministeren til stades under markeringa av Landsorganisasjonen sitt 100-årsjubileum, i Folkets Hus i Oslo.

Frå omlag kl. 19.00 deltek statsministeren på Kristeleg Folkeparti sitt landsmøte, på Radisson SAS Norge Hotell i Bergen. Pressekontakt er statssekretær Gunnar Husan.

Laurdag 17. april kl. 14.00 held statsministeren sin tale til KrF-landsmøtet i Bergen.

Sundag 18. april held KrF sitt landsmøte fram i Bergen. Statsministeren kjem attende til Oslo sundag ettermiddag.