Pressemelding

Nr. 94/1999
Dato: 11. juni 1999

Priv til red.:

Statsministerens program

Frå laurdag middag 12. juni til måndag kveld 14. juni er statsministeren i Makedonia, Albania, Bosnia, på Grazzanise-basen i Italia og i NATO-hovudkvarteret i Brussel. Vi viser til melding om dette 10. juni.

Tysdag 15. juni kl. 11.00 talar statsministeren på landsmøtet i Norske Boligbyggelags Landsforbund (NBBL), på Clarion Christiania Hotell i Oslo.

Onsdag 16. juni kl. 10.30 talar statsministeren på Yrkesorganisasjonenes Sentralforbund sin kongress, på Radisson SAS Plaza Hotell i Oslo.

Torsdag 17. juni kl. 15.30 tek statsministeren imot utanriksministeren i Den tsjekkiske republikken, Jan Kavan, på Statsministerens kontor. Det er høve til å fotografere.

Frå måndag middag 21. juni til onsdag morgon 23. juni er statsministeren i Reykjavik, i samband med dei nordiske statsministrane sitt sommarmøte. Møtet finn stad på Radisson SAS Hotel Saga. Pressekontakt er informasjonssjef Øivind Østang.

Det nordiske statsministermøtet tek til måndag 21. juni kl. 14.00. Kl. 17.00 er det sams pressekonferanse same staden. Kl. 19.30 held verten, statsminister David Oddsson, middag i Regjeringa sine representasjonslokale i Tjarnargata 32.

I løpet av måndagskvelden kjem den japanske statsministeren, Keizo Obuchi, til Reykjavik, for å møte dei nordiske statsministrane. Det førre, og fyrste, nordisk-japanske statsministermøtet fann stad i Bergen i juni 1997.

Tysdag 22. juni kl. 10.00 er det nordisk-japansk statsministermøte på Hotel Saga, med sams pressekonferanse same staden. Kl. 12.30 gjev president Olafur Regnar Grimsson lunsj for statsministrane, på Bessastadir. Om ettermiddagen er det utflukt til Gullfoss og Geysir, og om kvelden middag i Reykjavik.

Statsministeren reiser frå Reykjavik onsdag morgon 23. juni, og er attende i Oslo ved middagstider.