Pressemelding - Priv. til red.

Nr.: 121/1999
Dato: 27. august 1999

Statsministerens program

Sundag 29. august kl. 13.00 er statsministeren til stades på Kolbotngarden sitt jubileumsstevne på Sofiemyr i Akershus.

Seinare på ettermiddagen reiser statsministeren til Trondheim, der han kl. 17.30 gjestar Regionsjukehuset sin kreftavdeling. Delar av programmet er ope for pressefolk, for detaljar viser vi til informasjonssjef Astrid Haugen ved Regionsjukehuset i Trondheim. Kl. 20.00 kjem statsministeren til Lerkendal stadion, for å sjå fotballkampen mellom Rosenborg og Molde. Statsministeren overnattar i Trondheim, før han kjem attende til Oslo måndag morgon. Pressekontakt er statssekretær Gunnar Husan, telefon 91 12 12 16.

Onsdag 1. september gjestar statsministeren Rena og Hamar. Pressekontakt er informasjonssjef Øivind Østang, telefon 91 34 64 70.

Onsdag kl. 10.00 deltek statsministeren i eit møte om psykiatri og rusmiddelomsorg, på Sannerud sjukehus ved Hamar (i Stange). Kl. 12.30 deltek han i eit lunsjmøte om næringslivet, i Rena kulturhus. Kl. 14.30 gjestar statsministeren Høgskolen i Hedmark si avdeling på Rena. Kl. 19.00 talar statsministeren om innlands-Noreg si rolle, på eit folkemøte i Domkirkeruinen (Hamardomen) ved Hamar.

Fredag 3. september kl. 14.00 møter statsministeren utanlandskorrespondentane i Oslo, på Norges Internasjonale Pressesenter på Vestbanen.