Pressemelding

Nr. 159/1999
Dato: 19. november 1999

Statsministerens program

Måndag 22. november kl. 09.45 tek statsministeren imot landsstyreformannen på Grønland, Johannes Motzfeldt, til samtale på Statsministerens kontor. Det er høve til å fotografere. Etter samtalen, omlag kl. 10.45, er dei to tilgjengelege for pressefolk same staden. I høve landsdstyreformann Motzfeldt si offisielle gjesting i Noreg 21.-25. november, er statsministeren kl. 19.30 vert ved ein middag i representasjonsbustaden i Parkvegen 45. Det er høve til å fotografere idet gjestene kjem.

Onsdag 24. november kl. 13.00 deler statsministeren ut Bokhandlarprisen 1999, på Hotell Continental i Oslo. Kl. 14.00 leiar han møte i Forum for verdiskaping i næringslivet, i rom 2511 i R5-bygget i Regjeringskvartalet. Det er høve til å fotografere. Kl. 17.30 tek statsministeren imot generalsekretæren i NATO, Lord Robertson, til samtale på Statsministerens kontor. Det er høve til å fotografere. Etter samtalen, om lag kl. 18.20, er dei to tilgjengelege for pressefolk same staden. Kl. 19.30 er statsministeren vert ved ein middag for NATO-sjefen, på Akershus slott. Det er høve til å fotografere i borggården frå kl. 19.00. Deretter har ein pool (Scanpix, 1 TV-fotograf og Se og Hør) høve til å fotografere i det gjestene gjeng til bords.

Torsdag 25. og fredag 26. november er statsministeren i Stortinget i samband med finansdebatten.

Frå sundag middag 28. til måndag kveld 29. november er statsministeren i Berlin. Pressekontakt er informasjonssjef Øivind Østang, telefon 91 34 64 70. Følgjet bur på Hotel Hyatt, telefon 00 49 30 25 53 12 34 – telefaks 00 49 30 25 53 12 35.

Sundag 28. november kl. 13.00 er statsministeren gjest under ein lunsj i Riksdagsbygningen i Berlin. Kl. 15.00 er han til stades når Sølvguttene syng i Berliner Dom. Kl. 17.00 tenner statsministeren den norske julegrana på Pariser Platz, og kl. 18.00 er han mellom gjestene i den påfølgjande mottakinga på Hotel Adlon. Kl. 20.00 er statsministeren til stades under ein konsert i høve 10-årsjubileet for FN sin barnekonvensjon, i Berliner-Philharmionien.

Måndag 29. november kl. 09.00 vert prosjektet ”Tyskland-Norge. Den lange historien” presentert for statsministeren, under ein frokost i den norske ambassadørbustaden. Kl. 11.00 møter statsministeren CDU-leiaren Wolfgang Schäuble, i Forbundsdagen (Riksdagsbygningen). Kl. 13.00 møter han forbundskanslar Gerhard Schröder til arbeidslunsj i Bundeskanzleramt i Berlin. Kl. 14.00 er dei ti tilgjengelge for pressefolk same staden. Deretter får statsministeren ei omvising i den nye norske ambassaden. Kl. 17.30 held statsministeren føredrag i Konrad Adenauer Stiftung.

Statsministeren reiser attende til Oslo måndag kveld.