Pressemelding - Priv. til red.

Nr.: 156/1999
Dato: 5. november 1999

Statsministerens program

Måndag 8. og tysdag 9. november er statsministeren i Stockholm, i samband med nordisk statsministermøte, nordisk-baltisk statsministermøte og Nordisk Råd sin sesjon. Følgjet overnattar på Grand Hotell, telefon 00 46 8 679 35 00 – telefaks 00 46 8 611 86 86. Pressekontakt er informasjonssjef Øivind Østang, telefon 91 34 64 70.

Statsministeren kjem til Stockholm måndag morgon, til nordisk statsministermøte i Rosenbad kl. 09.00. Etter møtet, kl. 10.45, held statsministrane sams pressekonferanse same staden. Kl. 11.15 møter statsministrane representantane for dei sjølvstyrte områda i Norden, og kl. 12.00 presidiet i Nordisk Råd. Desse møta vert også haldne i Rosenbad. Kl. 13.00 er statsministeren mellom gjestene ved kong Carl XVI Gustaf sin lunsj på Stockholms slott. Kl. 15.00 er det nordisk-baltisk statsministermøte, i Rosenbad, med sams pressekonferanse kl. 16.30. Kl. 18.00 er statsministeren mellom gjestene ved Nordisk Investeringsbank si mottaking i Riddarhuset, før han kl. 20.00 deltek i ein partigruppemiddag.

Tysdag 9. november kl. 07.30 er statsministeren mellom gjestene i statsminister Göran Persson sin frukost i statsministerbustaden, Sagerska huset. Frå kl. 09.00 deltek han i Nordisk Råd sin sesjon, i Riksdagen. Kl. 11.30 er statsministeren mellom gjestene i talmannen sin lunsj, før sesjonen held fram kl. 13.30. Statsministeren reiser attende til Oslo same ettermiddagen.

Onsdag 10. november kl. 10.00 deltek statsministeren i Verdikommisjonen og Norges Idrettsforbund sitt seminar om idrett og verdiar, i Universitetsaulaen i Oslo. Kl. 17.30 tek han i mot den tyske teologiprofessoren Hans Küng, på Statsministerens kontor. Küng er i Oslo i samband med Verdikommisjonen sitt seminar om trus- og livssynsdialog. Det er høve til å fotografere.

Torsdag 11. november kl. 18.10 tek statsministeren i mot rektor Anthony Giddens ved London School of Economics and Political Science, på Statsministerens kontor. Giddens er i Oslo som gjest hos stiftinga Scenario 2000 og Handelshøgskulen BI. Det er høve til å fotografere.

Fredag 12. november kl. 12.30 tek statsministeren i mot sjefen for Ford Motor Company, Jack Nasser, på Statsministerens kontor. Det er høve til å fotografere. Kl. 14.00 er statsministeren mellom gjestene ved Ford si lansering av den første serieproduserte el-bilen Think, i Aurskog i Akershus.