Statsministerens program
Historisk arkiv
Publisert under: Regjeringen Bondevik I
Utgiver: Statsministerens kontor
Pressemelding | Nr: 3/99 | Dato: 08.01.1999 | Sist oppdatert: 21.10.2006
Pressemelding priv. til red.
Nr.3/1999
8. januar 1999
Statsministerens program
Onsdag 13. januar kl. 13.00 held statsministeren opningsføredraget på Kyrkje-, utdannings- og forskningsdepartementets sin kontaktkonferanse for universiteta og høgskulane, i Ingeniørenes Hus i Oslo.
Fredag 15. januar kl. 13.00 tek statsministeren imot leiaren i Det kristelegdemokratiske partiet i Catalonia, Josep A. Duran i Lleida, på Statsministerens kontor. Det er høve til å fotografere.
Sundag 17. januar kl. 11.00 held statsministeren preika i Markus kyrkje i Oslo.
Tysdag 19. og onsdag 20. januar er statsministeren i Brussel og Bonn, for å møte mellom andre leiinga i EU og den tyske forbundskanslaren. I Brussel deltek også finansminister Gudmund Restad. Pressekontakt på reisa er informasjonssjef Øivind Østang. Følgjet bur på Radisson SAS Hotel i Brussel.
Statsministeren og finansministeren kjem til Brussel tysdag føremiddag, og vert kl. 13.00 tekne imot til arbeidslunsj hos EU-kommisjonen sin president, Jacques Santer, i EU-hovudkvarteret. Etter lunsjen, omlag kl. 14.30 er statsministeren og finansministeren tilgjengelege for pressefolk same staden. Kl. 16.00 møter statsministeren ambassadør Einar Bull og hans medarbeidarar på den norske EU-delegasjonen, medan finansministeren same ettermiddagen møter EU sin finanskommissær, Yves Thibault de Silguy. Om kvelden deltek statsministeren og finansministeren i ein middag hos ambassadør Bull.
Onsdag morgon 20. januar reiser statsministeren til Bonn, der han kl. 10.30 møter utanrikskomitéen i Forbundsdagen. Komitéen sin leiar er sosialdemokraten Hans-Ulrich Klose. Kl. 12.00 vert statsministeren motteken av leiaren i Det kristelegdemokratiske partiet, Wolfgang Schäuble, i Forbundsdagen. Etter lunsj hos ambassadør Morten Wetland kl. 13.20, vert statsministeren kl. 15.00 motteken av forbundskanslar Gerhard Schröder, i Bundeskanzleramt. Statsministeren er tilgjengeleg for norske pressefolk omlag kl. 16.00, same staden.
Statsministeren er attende i Oslo onsdag 20. januar om kvelden.
Lagt inn 8. januar 1999 av Statens forvaltningstjeneste, ODIN-redaksjonen