Pressemelding

Nr.: 13/2000
Dato: 28. januar 2000

Priv. til red.

Statsministerens program

Tysdag 1.og onsdag 2. februar er statsministeren i Brussel og Lisboa, for å møte presidenten i EU-kommisjonen og den portugisiske formannsskapen i EU. Pressekontakt er informasjonssjef Øivind Østang, telefon 91 34 64 70.

Statsministeren kjem til EU-kommisjonen sine lokale i Brussel tysdag kl. 15.00, for samtale med kommisjonspresident Romano Prodi. Etter samtalen, om lag kl. 15.45, er dei to tilgjengelege for pressefolk i nokre minutt same staden. Kl. 16.30 er statsministeren tilgjengeleg for pressefolk i den norske EU-delegasjonen sine lokale, i 17 rue Archimède. Om kvelden reiser statsministeren til Lisboa. Følgjet overnattar på Hotell da Lapa, telefon 00 351 213 94 94 – telefaks 00 351 213 95 06 65.

Onsdag 2. februar kl. 11.00 møter statsministeren den portugisiske statsministeren, António Guterres, til arbeidslunsj i statsministerbustaden Palcio S. Bento, Rua da Imprensa à Estrela 4 i Lisboa. Etter lunsjen er dei to tilgjengelege for pressefolk same staden. Statsministeren reiser attende til Oslo same ettermiddagen.

Torsdag 3. februar deltek statsministeren i Telia/Telenor-debatten i Stortinget

Fredag 4. februar kl. 13.00 leiar statsministeren eit møte i Regjeringa sitt kontaktutval for partane i arbeidslivet, på Statsministerens kontor. Tema for møtet er dei økonomiske utsiktene og inntektsoppgjeret våren 2000. Det er høve til å fotografere ved starten av møtet. Etter møtet, om lag kl. 15.00, er statsministeren tilgjengeleg for pressefolk same staden.

Måndag 7. februar om ettermiddagen tek statsministeren fatt på den offisielle gjestinga til Mosambik, Sør-Afrika og Nigeria, som han kjem attende frå torsdag 17. februar. Vi viser til eiga melding om dette om nokre dagar.