Stein Vatne sett fri av geriljaen i Colombia
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 09.11.1997 | Sist oppdatert: 21.10.2006
Pressemelding
Nr.:147 /97
09.11.1997
Stein Vatne sett fri av geriljaen i Colombia
Utanriksminister Vollebæk uttrykker glede over frigivinga
-Vi er svært glade for at Stein Vatne no er sett fri og igjen kan sameinast med familien sin, seier utanriksminister Knut Vollebæk. Den kidnappa nordmannen vart bortført av geriljastyrkar i Colombia 21. februar i år. Han vart sett fri i natt norsk tid og overlevert til representantar for Raude Krossen i Colombia.
Utanriksdepartementet har i nært samarbeid med Vatne sin arbeidsgjevar, det svenske selskapet Skanska, arbeidd aktivt for å få geriljaen til å setja han fri. Stein Vatne er no saman med representantar for Utanriksdepartementet og Skanska, komen fram til hovedstaden Bogota der han bl.a. skal gjennomgå medisinsk kontroll.
Utanriksdepartementet, 9. november 1997
Lagt inn 10 november 1997 av Statens forvaltningstjeneste, ODIN-redaksjonen