Pressemelding

Nr.143 /98
Dato 20. november 1998

Omfordeling av bistandsmidler på statsbudsjettet for 1998

For raskt å kunne hjelpe naudlidande etter naturkatastrofar, m.a. i Mellom-Amerika og Afrika, og støtte andre strakstiltak, har Regjeringa i eigen stortingsproposisjon foreslått å omfordele 184 mill. kroner innanfor budsjettet for utviklingshjelpa i år.

Orkanen Mitch har ført med seg den alvorlegaste naturkatastrofen i Mellom-Amerika i moderne tid - om lag to millionar menneske er ramma, vel ti tusen er omkomne, og

ti tusen er sakna. Det er gjort store skadar på infrastruktur og avlingar. Utanriksdepartementet legg opp til å bruke om lag 55 mill. kroner til hjelpetiltak etter orkanen Mitch, utover dei 8 mill. kroner som til no er nytta til hjelpearbeid i området.

Også til Afrika, m.a. i Sudan, Eritrea og Dem. rep. Kongo ligg det føre oppmodingar frå FN om auka løyvingar til naudlidande. Sveltkatastrofen i Sudan har medverka til ekstra stort behov for hjelp. Regjeringa foreslår å omfordele 47 mill. kroner til naudlidande i Afrika.

I tillegg til humanitær hjelp i Mellom-Amerika og Afrika blir det i proposisjonen også foreslått å omdisponere midlar til m.a sosiale tiltak i Afrika i regi av frivillige organisasjonar, til demokrati- og fredstiltak i Asia og Mellom-Amerika, det tidlegare Jugoslavia og palestinske områder.

Det blir i proposisjonen også foreslått omdisponert 10 mill. kroner til leveransar av mat og medisinar til Nordvest-Russland.