Regjeringa ber om samtykke til godkjenning av mineavtalen.
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 28.05.1998 | Sist oppdatert: 21.10.2006
Pressemelding
Nr. 67/98
Dato 28. mai 1998
Regjeringa legg fram stortingsmelding om eksport av forsvarsmateriell i 1997
Regjeringa vedtok i Statsråd i dag å leggja fram den årlege stortingsmeldinga om eksport av forsvarsmateriell frå Noreg i 1997.
Den samla verdien av eksporten av forsvarsmateriell, medrekna tilknytta tenester og reparasjonar av tidligare levert forsvarsmateriell, var i 1997 1.115.096.000 kroner. I alt 25 verksemder har rapportert om utførsle i 1997.
I 1996 eksporterte 32 verksemder forsvarsmateriell, eller utførde tenester for utanlandske oppdragsgjevarar for tilsaman 1.001.409.000 kroner.
Oversiktene i meldinga er baserte på oppgåver frå verksemdene over faktisk eksport, det vil seie fakturerte sal i 1997, av forsvarsmateriell, tenester og reparasjonar knytta til slik eksport.
Meir enn 80 prosent av eksporten gjekk til NATO-landa, til dei nordiske og til andre europeiske land. Største kjøpar var Sverige som tok imot omlag en tredel av eksporten. Leveransar av delar og komponentar utgjorde omlag ein firedel.
Regjeringa har i samband med stortingsmeldinga gjennomgått praktiseringa av retningslinjene for Utenriksdepartementets behandling av søknader om eksport av forsvarsmateriell. Norsk våpeneksport er underlagt strenge reglar. Søknader om utførslelisensar blir avgjort etter ei grundig vurdering av situasjonen i mottakerlandet der respekt for menneskerettar og demokrati er eit viktig element.
Utviklinga mot eit tettare internasjonalt samarbeid om utvikling og produksjon av nytt forsvarsmateriell har skapt behov for større klårleik i behandlinga av eksportreglane ved fleirnasjonale produkt. Difor er det teke inn eit tillegg om dette i retningslinjene. Ved slike samarbeidsprosjekt kan produksjonslandets eksportreglar leggjast til grunn ved utførsle av det ferdige produktet. I samband med godkjenning er slike samarbeidsavtalar skal eksportvilkåra for det ferdige produktet avtalast nærare mellom styresmaktene i dei aktuelle land.
Lagt inn 28. mai 1998 av Statens forvaltningstjeneste, ODIN-redaksjonen