Pressemelding

Nr.: 65/98
27. mai 1998

Utanriksminister Vollebæk til NATO-utanriksministermøte i Luxembourg 28.5.98.

Utanriksminister Knut Vollebæk skal 28. mai delta på NATOs utanriksministermøte i Luxembourg. Situasjonen på Balkan blir ei hovedsak på møtet. Krisa i Kosovo vil bli drøfta og utanriksministrane vil vedta ein operasjonsplan for ei vidareføring av SFOR-styrken då mandatet går ut i juni. NATOs tilpasning og arbeidet med å førebu Polen, Tsjekkia og Ungarn på medlemskap blir og eit viktig tema på møtet.

Utanriksminister Vollebæk skal og delta på møtet med Russlands utanriksminister Jevgenij Primakov i Fellesrådet NATO-Russland same dag. Situasjonen på Balkan blir eit hovedtema og på dette møtet, samt samarbeidet mellom NATO og Russland. Under møtet skal det vidare underteiknast ein avtale om vitskapleg samarbeid.

Utanriksdepartementet, 27. mai 1998