Utanriksminister Vollebæk til WTO's ministermøte i Geneve
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 15.05.1998 | Sist oppdatert: 21.10.2006
Pressemelding
Nr. 60/98
Dato 15. mai 1998
Utanriksminister Vollebæk til WTO's ministermøte i Geneve
Utanriksminister Knut Vollebæk skal 18. mai delta på Ministerkonferansen i Verdas handelsorganisasjon (WTO) i Geneve. Ministerkonferansen er det høgste organet i WTO og kjem saman minst annan kvart år. Representantar for 132 medlemsland deltar.
Hovedspørsmål på møtet er gjennomføring av dei vedtak som tidlegare er fatta samt dei utfordringar organisasjonen no står overfor. Konferansen vil vidare innleia førebuingane til |forhandlingar om internasjonal handel med tenester og landbruksvarer og evt. andre sektorar. Dei nye forhandlingane vil starta før utløpet av 1999. Regjeringen vil vidareføra arbeidet med arbeidstakarrettar for å få dette inn i WTOs regelverk, bl.a. ved å ta initiativ til eit internasjonalt seminar om dette.
I samband med konferansen skal og 50-årsjubileet for det multilaterale handelssystemet (GATT/WTO) markerast. Statsminister Kjell Magne Bondevik vil vera til stades saman med stats- og regjeringssjefar frå ei rekke land.
Lagt inn 18. mai 1998 av Statens forvaltningstjeneste, ODIN-redaksjonen