Pressemelding

Nr.: 54/98
4. mai 1998

Utanriksminister Vollebæk til Strasbourg og Kairo 4.-6.5.98.

Utanriksminister Knut Vollebæk reiser i dag til Strasbourg for å møta den russiske utanriksminister Jevgenij Primakov. Møtet finn stad i tilknytning til møte i Europarådet og er ei førebuing til statsbesøket til Russland i slutten av mai. Bilaterale spørsmål kjem til å stå sentralt i drøftingane. I tillegg vil bl.a. situasjonen i tidlegare Jugoslavia og Midt-Austen bli drøfta.

Tysdag 5.5. reiser utanriksministeren vidare til Kairo der han tysdag og onsdag skal møta bl.a. Egypts president Hosni Mubarak og utanriksminister Amr Moussa til politiske samtalar. Hovedtema i samtalane blir situasjonen når det gjeld fredsprosessen i Midt-Austen.

Utanriksdepartementet, 4. mai 1998