Utanriksminister Vollebæk uttrykker uro over situasjonen i Kosovo
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 24.04.1998 | Sist oppdatert: 21.10.2006
Pressemelding
Nr.: 49/98
24. april 1998
Utanriksminister Vollebæk uttrykker uro over situasjonen i Kosovo
- Dei siste dagars kamphandlingar i Kosovo gjev grunn til stor uro, seier utanriksminister Knut Vollebæk og oppmodar alle partar om visa det nødvendige ansvar for å unngå ei vidare opptrapping av konflikten. - Utviklinga i Kosovo er eit trugsmål mot stabiliteten i heile regionen. Det må umiddelbart innleiast ein dialog mellom partane for å finna ei løysing på den spente situasjonen, seier utanriksministeren.
Dette blir og hovedbodskapen når utanriksminister Knut Vollebæk møter president Slobodan Milosevic tysdag 28. april i Beograd.
Utanriksminister Vollebæk sitt besøk i Makedonia, Albania, Den føderale republikken Juogslavia og Kosovo finn stad først og fremst som eit ledd i at Norge no er med i leiartroikaen i Organisasjonen for tryggleik og samarbeid i Europa (OSSE). OSSE spelar ein sentral rolle på Balkan og skal til det neste møte i Kontaktgruppa for tidlegare Jugoslavia (USA, Russland, Storbritannia, Frankrike, Tyskland og Italia) i Roma 29. april leggja fram ein rapport om oppfølginga av Kontaktgruppas krav når det gjeld situasjonen i Kosovo. OSSE-troikaens rapport vil liggja til grunn for drøftinga Kontaktgruppa.
Utanriksministerens besøk blir innleia i Skopje søndag 26.4. om ettermiddagen. Vollebæk skal bl.a. møta Makedonias utanriksminister Handziski og president Gligorov måndag 27.4. om føremiddagen. Måndag ettermiddag dreg utanriksminister Vollebæk til Tirana der han bl.a. skal møta Albanias utanriksminister Milo, statsminister Nano og president Medani. Tysdag 28.4. om føremiddagen blir det avreise til Beograd der det blir samtalar med utanriksminister Jovanovics, president Milosevic og president Milutinovic på ettermiddagen. Onsdag 29.4. om morgonen blir det avreise til Pristina der utanriksministeren bl.a. skal møta Kosovo-albanarane sin leiar Rugova samt serbiske leiarar.
Lagt inn 24. april 1998 av Statens forvaltningstjeneste, ODIN-redaksjonen