Endring i nordisk konvensjon om familierett og nordisk konvensjon om bidrag
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 29.10.1999 | Sist oppdatert: 21.10.2006
Pressemelding
Nr. 191/1999
Dato: 29. oktober 1999
Endring i nordisk konvensjon om familierett og nordisk konvensjon om bidrag
Regjeringa har i dag vedteke at Noreg skal underteikne overeinskomst om endringar i konvensjon mellom Noreg, Danmark, Finland, Island og Sverige med internasjonale privatrettslege føresegner om ekteskap, adopsjon og verjemål av 6. februar 1931 (konvensjon om familierett). Samstundes har Regjeringa vedteke å underteikne overeinskomst om endringar i konvensjon mellom Noreg, Danmark, Finland, Island og Sverige om inndriving av underhaldsbidrag av 23. mars 1962 (konvensjon om bidrag).
Dei gjeldande føresegnene i konvensjonane har gjort det vanskeleg, og i nokre tilfelle umogleg, å få fastsett eller endra bidrag. Dette har gjort inndrivinga vanskeleg. Føresegnene i konvensjonen om familierett gjeld dessutan bare for barn i ekteskap. Dette har ført til at dagens regelverk om domsmakt og godkjenning av krav på barnebidrag er ulike ettersom bidraget er fastsett til barn fødde i eller utanfor ekteskap.
Endringane i konvensjonen om familierett vil gjere det enklare å få fastsett eller endra avgjerder om underhaldsbidrag, og dessutan føre til at reglane om domsmakt blir like for barn fødde i og utanfor ekteskap. Endringane i konvensjonen om bidrag vil føre til at fullbyrdinga av desse avgjerdene blir enklare.
Endringane vil tre i kraft når alle land har slutta seg til overeinskomstane.
Utanriksdepartementet, 29. oktober 1999
Lagt inn 29. okotber 1999 av Statens forvaltningsteneste, ODIN-redaksjonen