Lette i tiltaka mot Jugoslavia
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 03.12.1999 | Sist oppdatert: 21.10.2006
Nr. 211/99
Dato: 3. desember 1999
Lette i tiltaka mot Jugoslavia
Utanriksdepartementet har vedteke einskilde endringar i føresegna om særlege tiltak mot Den føderale republikken Jugoslavia (FRJ), for å leggje til rette for gjennomføring av humanitære og demokratiserande tiltak i FRJ. Etter endringane kan Utanriksdepartementet gjere unntak frå forbodet mot sal av petroleum og forbodet mot flyging til FRJ, i dei tilfella eksporten tener humanitære eller demokratiserande føremål. Unntak kan mellom anna gjerast i samband med det såkalla ”Olje for demokrati”- initiativet eller liknande ikkjekommersielle føremål.
”Olje for demokrati” initiativet som Utanriksdepartementet nå iverkset inneber at einskilde serbiske byar, som er leia av politikarar i opposisjon til president Milosevic og regimet hans, vil take imot fyringsolje frå Noreg. Det er også meint å skulle styrkje opposisjonen i Serbia og dermed vere ei hjelp til ei demokratisk utvikling. EU har iverksett eit liknande ”Energy for Democracy” initiativ.
Elles blir det halde oppe eit internasjonalt press mot styresmaktene i landet med sikte på ei demokratisk og fredeleg utvikling i området. Endringane inneber at Noreg held fram med same tiltak mot FRJ som EU.
Føresegna trer i kraft straks.
Lagt inn 3. desember 1999 av Statens forvaltningsteneste, ODIN-redaksjonen