Pressemelding

Nr. 192/1999
Dato: 29. oktober 1999

Noreg ratifiserer protokoll om kamp mot havforureining

Regjeringa har i dag vedteke å ratifisere ein protokoll av 1996 til ”Overeinskomst av 1972 om kamp mot havforureining ved dumping av avfall og anna materiale”. Protokollen er utarbeidd i regi av Den internasjonale sjøfartsorganisasjonen (IMO) og regulerer dumping av avfall til havs. Den vil erstatte 1972-konvensjonen når den trer i kraft.

Protokollen fastset eit generelt forbod mot dumping, samstundes som den fastset fullt ut kva stoff eller avfall som det skal vere tillate å dumpa. Det vert innført eit totalforbod mot dumping av radioaktivt avfall. Dette har i ei årrekkje vore eit hovudspørsmål innanfor arbeidet med konvensjonen, og Noreg har saman med ei rekkje andre land vore pådrivar for å få eit slikt forbod. Vidare er det etter norsk syn eit stort framsteg at det er vedteke eit totalforbod mot brenning av avfall til sjøs.

Utanriksdepartementet, 29. oktober 1999