Påstandar om Norsk Folkehjelps medverknad til våpentransport
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 19.11.1999 | Sist oppdatert: 21.10.2006
Pressemelding
Nr. 203/1999
Dato: 19. november 1999
Påstandar om Norsk Folkehjelps medverknad til våpentransport
Utviklings- og menneskerettighetsminister Hilde Frafjord Johnson innkalte Norsk Folkehjelp for å redegjere for påstandar om våpentransport i Utanriksdepartementet idag. I NRK-programmet ”Brennpunkt” 17.november kom det fram påstandar om at Norsk Folkehjelp har medverka til våpentransport til SPLA-rørsla i Sør-Sudan.
Frafjord Johnson oppsummerte etter møtet:
- Vi har hatt ein grundig gjennomgang av påstandane som kom fram i programmet med Norsk Folkehjelp. Ut fra dei opplysningane og den dokumentasjon som kom fram i møtet, kan vi ikkje seie at det til no er dokumentert at organisasjonen med overlegg har bidratt til våpentransport.
- Norsk Folkehjelp har tydeleg ikkje hatt god nok kontroll over alle ledd i organisasjonen sin, eller god nok oversikt i høve aktivitetane til samarbeidspartnerane sine. Det ble derfor understreka overfor Norsk Folkehjelp at det er heilt naudsynt at organisasjonen skjerpar rutinene sine på dette området. Det må ikkje vere mogeleg å utnytte eller å skape inntrykk av at humanitært hjelpeapparat blir utnytta til militære aktivitetar, avslutta utviklings- og menneskerettighetsminister Frafjord Johnson.
Utanriksdepartementet viser også til eiga pressemelding om misbruk av Raude Kross emblemet.
Det kgl. Utanriksdepartement, 19. november 1999
Lagt inn 22. november 1999 av Statens forvaltningsteneste, ODIN-redaksjonen