Spesialrådgjevar Wegger Chr. Strømmen ny statssekretær i UD
Historisk arkiv
Publisert under: Regjeringen Bondevik I
Utgiver: Utenriksdepartementet
Pressemelding | Dato: 12.02.1999 | Sist oppdatert: 21.10.2006
Pressemelding
Nr.:18/99
Dato: 12.02.99
Spesialrådgjevar Wegger Chr. Strømmen ny statssekretær i UD
Spesialrådgjevar Wegger Chr. Strømmen (39) er i statsråd i dag utnemnd til ny statssekretær i Utanriksdepartementet. Han vil få hovedansvaret for fred og forsoningsprosessar, menneskerettar, forholdet til land i Asia, Afrika, Latin-Amerika og Midt-Austen samt FN.
Det norske OSSE-formannskapet medfører behov for ei styrking av innsatsen på politisk nivå særleg på område utanfor OSSE der Norge er engasjert eller har interesser. For å ivareta dette behovet har Regjeringa vedteke å styrka den politiske leiing i Utanriksdepartementet ved å utnemna ein ny statssekretær.
Wegger Chr. Strømmen har bakgrunn frå Utanriksdepartementet, men har og vore advokat og partnar i advokatfirmaet Wiersholm, Mellbye & Bech ANS. Strømmen har vidare arbeidd som rådgjevar for fredsmeklarane Thorvald Stoltenberg og Lord Owen under Fredskonferansen for det tidlegare Jugoslavia frå 1993-95.
Utanriksdepartementet, 12. februar 1999
Lagt inn 16. februar 1999 av Statens forvaltningstjeneste, ODIN-redaksjonen