Pressemelding

Nr. 178/99
Dato: 12. oktober 1999

Utanriksminister Knut Vollebæk gjestar Japan 14. og 15. oktober

Utanriksminister Knut Vollebæk reiser onsdag 13. oktober til Tokyo for å leia møtet i den internasjonale gjevarlandskomiteen for Dei palestinske områda, The Ad Hoc Liaison Committee (AHLC), saman med den nye japanske utanriksminister, Yohei Kono.

Noreg har sida 1993 hatt formannskapet i AHLC, som møtest kvart halvår for å samordna den internasjonale hjelpa til palestinarane. Noreg er ved sida av USA, EU og Japan den viktigaste bidragsytar til palestinarane med ei årleg hjelp på mellom 300 og 400 millionar kroner. På møtet vil utanriksministeren oppfordra gjevarlanda til å oppretthalda hjelpa til det palestinske samfunn, samstundes som han vil understreka palestinarane sitt eige ansvar for godt styresett i Dei palestinske områda.

I tillegg til deltakinga på AHLC-møtet vil utanriksministeren ha tosidige samtalar med sin japanske kollega under besøket.