Pressemelding

Nr.:176/99
Dato: 5. oktober 1999

Utanriksminister Knut Vollebæk til Kosovo 6.-7. Oktober 1999.

Utanriksminister og OSSE-formann Knut Vollebæk skal 6. og 7. oktober gjesta Kosovo for å drøfta gjenoppbygginga av det sivile samfunn med OSSE-misjonen og FN. OSSE har i samarbeid med FN hovedansvaret for opplæring av politi, offentlege tenestemenn, rettsvesen, valg, menneskerettar, oppretting av demokratiske institusjonar og frie media. På den OSSE-drivne politiskulen skal utanriksminister Vollebæk møta politikadettar frå dei ulike folkegruppene. Han skal vidare vitja den gjenoppretta kringkastingsstasjonen i Pristina som blir driven med norsk støtte.

Utanriksministeren skal under besøket bl.a. møta sjefen for FN-operasjonen, Bernard Kouchner, sjefen for den fredsbevarande styrken, general Michael Jackson og den norske KFOR-styrken. Han skal og møta kosovo-albanske leiarar og serbiske representantar samt leiarar for den ortodokse kyrkja.