Regulering av vinterloddefisket i Barentshavet i 2003
Historisk arkiv
Publisert under: Regjeringen Bondevik II
Utgiver: Fiskeridepartementet
Pressemelding | Dato: 13.12.2002 | Sist oppdatert: 23.10.2006
Fiskeridepartementet har fastsett regulering av vinterloddefisket i Barentshavet i 2003. Norske fartøy kan samla fiske 183.000 tonn lodde i 2002.- Eg forstår at det er smertefullt for norske fiskarar at loddekvoten er meir enn halvert i høve til inneverande år. Men for å sikre ei trygg og berekraftig forvalting av loddebestanden måtte kvoten setjast så lågt, seier fiskeriminister Svein Ludvigsen. (13.12.2002)
Pressemelding
Nr.: 88/2002
Dato: 13.12.2002
Kontaktpersoner:
Johán H. Williams, 22 24 64 40
Kirsti Henriksen, 22 24 64 91
Regulering av vinterloddefisket i Barentshavet i 2003
Fiskeridepartementet har fastsett regulering av vinterloddefisket i Barentshavet i 2003. Norske fartøy kan samla fiske 183.000 tonn lodde i 2002.
- Eg forstår at det er smertefullt for norske fiskarar at loddekvoten er meir enn halvert i høve til inneverande år. Men for å sikre ei trygg og berekraftig forvalting av loddebestanden måtte kvoten setjast så lågt, seier fiskeriminister Svein Ludvigsen.
Ringnotgruppa vert tildelt 140.910 tonn, trålgruppa 20.130 tonn og kystfartøygruppa 21.960 tonn. Fisket i ringnot vert regulert med fartøykvotar, medan fisket i trål og kyst vert regulert med maksimalkvotar.
Nytt i år er at fartøy i kystgruppa blir regulerte med turkvoter på 150 tonn.
Trål- og kystfartøy som vil delta må vere påmelde innan 10. januar. Det er skriftleg påmelding til Norges Sildesalgslag i Harstad. Det vert ingen påmelding for ringnotfartøy.
Det vert opna for eit fiske etter vinterlodde i tidsrommet 15. januar til 30. april. To fartøy kan drive forsøksfiske for å kartlegge situasjonen etter 15. januar dersom dette er nødvendig.
Det vert ikkje lagt opp til konsumlodderegulering i 2003.