Fiskeriministeren til Brasil og Karibia
Historisk arkiv
Publisert under: Regjeringen Bondevik II
Utgiver: Fiskeridepartementet
Pressemelding
Pressemelding | Dato: 30.09.2003 | Sist oppdatert: 23.10.2006
Fiskeriminister Svein Ludvigsen reiser fredag 3. oktober til Sør- og Mellom-Amerika. Statsråden skal besøke både Brasil og Den Dominikanske Republikk. Statsråd Ludvigsen skal vidare vere med under Kongeparets offisielle vitjing til Brasil, der han mellom anna skal ha samtalar med sin brasilianske motpart, fiskeriminister Jose Fritsch. (30.09.03)
Pressemelding
Nr.: 61/2003
Dato: 30.09.03
Kontaktperson:
Avdelingsdirektør Elisabeth Wilmann 22 24 64 77
Rådgjevar Dag H. Nestegard 22 24 23 87
Fiskeriministeren til Brasil og Karibia
Fiskeriminister Svein Ludvigsen reiser fredag 3. oktober til Sør- og Mellom-Amerika. Statsråden skal besøke både Brasil og Den Dominikanske Republikk. Statsråd Ludvigsen skal vidare vere med under Kongeparets offisielle vitjing til Brasil, der han mellom anna skal ha samtalar med sin brasilianske motpart, fiskeriminister Jose Fritsch.
Dei to statsrådane vil mellom anna drøfte handelssambandet mellom dei to landa våre, den pågåande forhandlingsrunda i WTO (Verdas handelsorganisasjon) samt spørsmål knytt til mattryggleik og kvalitet.
I tillegg til det offisielle programmet i hovudstaden Brasilia, skal fiskeriministeren vere med på fleire sjømat- og næringslivsarrangement både i Sao Paulo og Rio de Janeiro.
Brasil er framleis ein svært viktig marknad for norsk eksport av klippfisk. Over 90 prosent av norsk fiskeeksport til landet, er klippfisk. I 2002 vart det totalt eksportert 18.000 tonn til ein verdi av nesten 660 millionar kroner.
I Brasil skal statsråden også delta på eit breitt tilrettelagt fiskeriseminar der brasilianske og norske styresmakter skal utveksle erfaringar knytt til kompetanse, bruk av verkemiddelapparatet og andre sentrale spørsmål. Brasil har planar om å utvikle si eiga havbruksnæring og har nyleg oppretta eit eige departement for fiskerisaker.
Etter Brasil-besøket reiser statsråden til Den Dominikanske Republikk. Landet er ein stor og aukande marknad for eksport av norsk klippfisk. I 2002 gjekk 10.300 tonn med ein verdi på nesten 210 millionar kroner til den karibiske øynasjonen.