Etter omorganiseringa av likningskontora er talet likningskontor og - distrikt reduserte frå 435 til 99. Omorganiseringa rører ikkje dei folkevalde nemndene. Dette inneber at det framleis er ei likningsnemnd og ei overlikningsnemnd i kvar kommune. Kvart likningskontor har frå ein til åtte likningsnemnder og eit tilsvarande tal overlikningsnemnder å halde seg til.

Skattedirektoratet har som følgje av omorganiseringa på oppdrag frå Finansdepartementet utarbeidde eit oppdrag frå Finansdepartementet. Direktoratet foreslår at talet likningsnemnder og overlikningsnemnder blir reduserte slik at det blir ei likningsnemnd og ei overlikningsnemnd per likningskontor. Etter direktoratet si oppfatning vil ein slik reduksjon i talet nemnder blant anna medføre hyppigare møte og fleire saker per møte. Det vil også gi høve for betre opplæring og oppfølging av medlemene og leggje til rette for ein meir einsarta likningspraksis.

Etter direktoratet sitt forslag skal medlemer til nemndene veljast av fylkestinget, som må velje mellom dei kandidatane som blir foreslått av dei rørte kommunestyre. Der nemndene berre omfattar ein kommune, tilrår direktoratet at medlemene blir valde av kommunestyret.

Finansdepartementet har lagt opp til at Skattedirektoratet seinare skal gjennomføre ei breiare og meir omfattande vurdering av strukturen i likningsforvaltninga.

Finansdepartementet har i dag sendt Skattedirektoratet sin rapport på høyring med høyringsfrist til 1. august 2003.