Pressemelding

Dato: 10.06.02

Nye rutinar for godkjenning av lækjemiddel på blå resept

Helsedepartementet har i samarbeid med Lækjemiddelverket gått gjennom rutinane for godkjenning av lækjemiddel for utskriving på blå resept. Dette arbeidet har avdekt betringspotensial. Forslag til endringa som gir meir effektiv, open og føreseieleg saksbehandling, skal no sendast til høyring.

Forslaget legg opp til at alle søknader om refusjon av lækjemiddel blir avgjort innan dei fristar som EØS-avtalen set, vidare at saksbehandlinga skal gjerast meir open for innsyn. Det er òg forslag om å opprette ei tverrfagleg samansett blåreseptnemnd som skal kvalitetssikre avgjerdsgrunnlaget til Lækjemiddelverket før endeleg avgjerd blir teken.

Lækjemiddelverket vil gjere vedtak i alle refusjonssaker. I tilfelle der forskriftsverket ikkje gir heimel for refusjon, må Lækjemiddelverket seie nei til søknaden. Likevel må etaten innan gjeldande tidsfristar utgreie om lækjemiddelet likevel burde refunderast av medisinske og helseøkonomiske årsaker. Denne utgreiinga vil departementet leggje vekt på når det tek stilling til om blåreseptordninga bør utvidast. Departementet vil i slike saker vurdere refusjon opp mot andre, høgt prioriterte område på helsesektoren.

Kontaktperson: Avdelingsdirektør Kai Finsnes, tlf. 22 24 85 48