Helse Vest og utdanningsinstitusjonane i regionen skal samarbeide om utdanning og forsking. Styret i Helse Vest vedtok i dag å opprette to formelle samarbeidsorgan, eitt med Universitetet i Bergen og eitt med høgskolane i regionen.

- Vi ønskjer ei heilskapleg tenkjing omkring helsefaga, både når det gjeld rekruttering, vidareutdanning og forsking. Det oppnår vi når helsetenesta samarbeider med utdannings- og forskingsinstitusjonane, seier styreleiar i Helse Vest, Mai Vik.

Samarbeidsorganet med universitetet er eit rådgjevande organ. Det skal uttale seg om strategi, mål og planar for undervisning og forsking, samt budsjett. Organet skal også gje løyvingar til forskingsprosjekt innanfor ei avtalt budsjettramme.

Samarbeidsorganet med høgskolane skal uttale seg om behovet for helsefagleg kompetanse i helseregionen, behovet for etter- og vidareutdanning, utdanningskapasiteten ved høgskolar og universitet, tilgong på praksisplassar og samarbeid om forsking.

-------------------------------------------------------------------------------------------

Kontaktpersonar:
Styreleder i Helse Vest, Mai Vik.Telefon 90 83 69 47.
Informasjonsdirektør Bjørg Sandal.Telefon 41 53 38 07.

www.helse-vest.no

[ Klikk her og skriv innhold i kapittel 1 ]