Presseinvitasjon, Helseministeren til Geneve
Historisk arkiv
Publisert under: Regjeringen Bondevik II
Utgiver: Helsedepartementet
Pressemelding | Dato: 03.05.2004 | Sist oppdatert: 24.10.2006
Det årlige helseministermøtet i Verdas helseorganisasjon (helseforsamlinga) går av stabelen 17.-22. mai. Helseminister Dagfinn Høybråten skal delta 18.-19. mai.
Presseinvitasjon
Nr.:
Dato: 03.05.04
Helseministeren til helseforsamlinga i WHO 18.-19. mai i Geneve
Det årlige helseministermøtet i Verdas helseorganisasjon (helseforsamlinga) går av stabelen 17.-22. mai. Helseminister Dagfinn Høybråten skal delta 18.-19. mai. Helseministeren held Noreg sitt hovudinnlegg på formiddagen 19. mai der han vil rette søkjelyset på nokre av dei største helseutfordringane i vår tid: fattigdom, hiv/aids og livsstilsjukdommar som meir og meir også rammar utviklingsland. Høybråten får omvising i det nye beredskapsrommet til WHO. Han skal ha samtalar med kollegaer frå fleire land, og skal treffe tidlegare president Carter som er årets gjestetalar i helseforsamlinga (formiddagen 19. mai).
Den store saka i år er strategien for kosthald, fysisk aktivitet og helse. Arbeidet med denne strategien begynte mens Gro Harlem Brundtland var generaldirektør i WHO og har vore leidd av professor Kaare R. Norum. Det er stor interesse for saka frå media i Noreg og andre land, ikkje minst fordi sukkerindustrien kjempar for å hindre tilrådingar om redusert sukkerforbruk.
Strategien kjem etter kjøreplanen opp i helseforsamlinga onsdag ettermiddag. Det er framleis strid om innhaldet. Noreg har saman med dei andre nordiske landa engasjert seg sterkt i å få vedteke ein god og ambisiøs strategi, basert på det kunnskapsgrunnlaget som ligg føre frå uavhengige forskingsmiljø i og utanfor WHO.
Andre viktige tema på helseforsamlinga er reproduktiv helse og hiv/aids. WHO har teke initiativ til å behandle tre millionar hiv/aids-sjuke i fattige land innan 2005. Tilgang til billig hiv/aids-medisin kjem truleg til å stå sentralt i debatten. Direktør Bjørn-Inge Larsen i Sosial- og helsedirektoratet deltek 18. mai i ein rundebordsdebatt om hiv/aids.
Kontaktperson før og etter møtet: Informasjonssjef Ingrid Vigerust, 90 12 46 97.