Løyvinga til Norsk lyd- og blindeskriftbibliotek blir foreslått auka med
5,5 mill. kroner til 35,8 mill. kroner i 2003. – Ein føresetnad for denne løyvinga er at tilbodet av skjønn- og studielitteratur til syns- og lesehemma studentar blir betra. Det må dessutan setjast i gang tiltak for å gje døvblinde utskriftsteneste, seier kultur- og kyrkjeminister Valgerd Svarstad Haugland.

Av sterke utdanningspolitiske, kulturpolitiske og sosialpolitiske grunnar må oppgåvene som i dag er lagde til Norsk lyd- og blindeskriftbibliotek, løysast på ein god måte og i et tilstrekkeleg omfang. Departementet vil derfor greia ut korleis folkebibliotek- og studielitteraturtenester til syns- og lesehemma best kan organiserast og finansierast i framtida.