- Sildajazz er blant dei mest markante jazzfestivalane i Noreg, både når det gjeld programinnhald, musikkinnhald og talet på gjestande musikarar, seier kulturminister Valgerd Svarstad Haugland. I morgon opnar ho Sildajazz i Haugesund.

- Sildajazz samlar meir enn 50 000 publikummarar og dette er svært imponerande. Ei rekke framståande jazzmusikarar er på plass under årets festival. Jazzmusikarar får her møte eit stort og interessert publikum. Sildajazz har eit tilbod til alle, frå barn til eldre, konstaterer kulturminister Svarstad Haugland.

Jazzfestivalen i Haugesund er i likskap med jazzfestivalane i Molde, Kongsberg og Oslo ei sentral møtestad for jazz. - I kjølvatnet av desse store festivalane gror det opp jazzmiljø og jazzklubbar rundt omkring i landet, seier statsråd Valgerd Svarstad Haugland.