3,7 millionar kroner til Ringebu
Historisk arkiv
Publisert under: Regjeringen Bondevik II
Utgjevar: Kommunal- og regionaldepartementet
Pressemelding | Dato: 17.10.2002 | Sist oppdatert: 23.10.2006
Pressemelding
Nr.: 107/2002
Dato: 17.10.2002
3,7 millionar kroner til Ringebu
Ringebu kommune får 3,7 millionar kroner frå Kommunal- og regionaldepartementet til utbygging av vass- og avløpsanlegg i samband med næringsutvikling i Kvitfjell vest.
Prosjektet er kostnadsrekna til om
lag 20 millionar kroner og skal i tillegg til framføring av
vassforsyning til Kvitfjell vest oppgradere reinseanlegget i
Fåvang.
I tillegg til å gi rom for ny reiselivsaktivitet i
Kvitfjellområdet, kjem dei planlagde investeringane til å sikre
vassforsyninga for etablert næringsliv i Kvitfjell aust.
Vidare tilrettelegging for næringsutvikling i Kvitfjellområdet er avgjerande for ei positiv utvikling i Ringebu og for heile Midt-Gudbrandsdalen. Utviklinga i området vil føre til stor verdiskaping i privat sektor og vere positiv i arbeidet for å oppretthalde folketalet i kommunen.