Kommunal- og regionaldepartementet har i dag delegert fullmakt til fylkeskommunane slik at dei i samråd med kommunane og regionane som blir råka av omstillingane i Forsvaret, kan ta avgjerd om økonomisk stønad. Dette er ein lekk i arbeidet med å styrkje fylkeskommunane si rolle som regional utviklingsaktør og fylgje opp prinsippet om desentralisering.

- Omstillinga er meint å gå til kommunar og regionar som mister mange arbeidsplassar, seier statssekretær Morten Andreas Meyer i Kommunal- og regionaldepartementet.

- Det skal vere ei hjelp til å setje i gang tiltak for å styrkje nærings- og busetjingsgrunnlaget der Forsvaret legg ned eller reduserer verksemda og det er vanskeleg å skaffe alternative arbeidsplassar, seier Meyer.

For 2002 har departementet fordelt 39 millionar kroner slik på 11 fylke: