Etter forslag til revidert nasjonalbudsjett frå Regjeringa om å auke løyvinga til kommunar som er råka av omstillinga i Forsvaret, vedtok Stortinget å auke ramma for 2005 med 20 millionar kroner, frå 19,5 millionar kroner til 39,5 millionar kroner. Den totale løyvinga for 2005 blir om lag på same nivå som løyvingane dei tidlegare åra.

- Omstillingsløyvinga er meint å gå til kommunar og regionar som mister mange arbeidsplassar, seier statsråd Erna Solberg i Kommunal- og regionaldepartementet.

- Det skal vere ei hjelp til å setje i gang tiltak for å styrkje nærings- og busetjingsgrunnlaget der Forsvaret legg ned eller reduserer verksemda og det er vanskeleg å skaffe alternative arbeidsplassar, seier Solberg.

Oversikten viser tildelinga etter vedtaket av St.prp. nr. 1(2004 – 2005), tildelinga etter vedtaket av revidert nasjonalbudsjett og total tildeling for 2005.