Jordbruk: Færre husdyrbrukarar
Historisk arkiv
Publisert under: Regjeringen Bondevik II
Utgjevar: Landbruks- og matdepartementet
Pressemelding | Dato: 02.06.2005 | Sist oppdatert: 24.10.2006
Jordbruk: Ved årsskiftet 2004/2005 var det 38 400 husdyrbrukarar som søkte om produksjonstilskott. Dette er 1 300 færre enn året før, og tilsvarar ein nedgang på 3 prosent, viser førebelse tal frå Statistisk Sentralbyrå. (02.06.2005)
Jordbruk: Færre husdyrbrukarar
Jordbruk: Ved årsskiftet 2004/2005 var det 38 400 husdyrbrukarar som søkte om produksjonstilskott. Dette er 1 300 færre enn året før, og tilsvarar ein nedgang på 3 prosent, viser førebelse tal frå Statistisk Sentralbyrå.
Nedgangen i talet på husdyrbrukarar frå 2004 til 2005 gjeld alle dei ulike dyreslaga. Størst prosentvis nedgang - 6 prosent - har det vore i talet på jordbruksbedrifter med verpehøner, medan talet på bruk med sau har gått ned med knapt 5 prosent. I perioden 2000-2005 har talet på jordbruksbedrifter med mjølkeku gått ned med 4 000, frå 20 500 til 16 500, det vil seie at kvar femte mjølkeprodusent har avvikla i denne perioden. |
|
Samstundes har talet på mjølkekyr gått ned frå 298 700 til 275 200. Ein gjennomsnittleg mjølkeprodusent hadde 14,6 mjølkekyr på båsen i 2000, mot 16,7 i 2005.
2. juni 2005